Тешко повреден 93-годишен пешак во Кавадарци по удар од „југо“

Пешак во Кавадарци е тешко повреден откако во него удрило „југо“, информираа попладнево од Секторот за внатрешни работи – Велес.

– Вчера во 14:20 часот во ОВР – Кавадарци е пријавено дека на улицата „Мито Хаџи Василев“ во градот, патничко возило „југо“ со кавадаречки регистарски ознаки, управувано од Ц.П., на возраст од 58 години од Кавадарци, удрило во 93-годишниот пешак Д.К. од Кавадарци. Во несреќата, со тешки телесни повреди се здобил пешакот, констатирани во Општата болница – Кавадарци, појаснија од СВР – Велес.

Извршен бил увид од увидна екипа од ОВР – Кавадарци.

Инаку, СВР – Велес изминатото деноноќие евидентирал и две пријави за физички напади во Тиквешко.

– Денеска во 1:25 часот во ОВР – Неготино, Б.Ј., 40-годишен неготинец, пријави дека во угостителски објект во градот, по претходна расправија, Т.Н., сограѓанин, физички го нападнал, при што употребил и стаклен предмет, појаснија од СВР – Велес.

Вчера пак, во 17 часот во ОВР – Неготино, А.М., на возраст од 24 години од село Криволак, неготинско, пријавил дека во селото бил физички нападнат од лицата со иницијали Н.Б. и С.Б..

Од СВР – Велес потенцираа дека се преземаат мерки за расчистување на настаните.

Share on Facebook

Tweet

Follow us

Save