Сообраќајна најава: Утре ограничување на мостот „Близнак“

Возачите во Аеродром и Гази Баба утре, 8 октомври, треба да очекуваат отежнат сообраќај поради работи на мостот „Близнак“ на булевар „Киро Глигоров“.

ЈП „Улици и патишта“ – Скопје информира дека од 13 до 15 часот ќе се санира оштетената заштитна ограда на мостот, на потегот од крстосницата со улица „Индустриска“ до крстосницата со булевар „АСНОМ“.

Поради работите, привремено ќе бидат зафатени две коловозни ленти, а местото ќе биде обележано со соодветна сообраќајна сигнализација.

Се очекува интервенцијата дополнително да го забави сообраќајот во овој дел од градот, особено на булеварите „АСНОМ“, „Србија“ и „Киро Глигоров“.

Од јавното претпријатие апелираат возачите да ја почитуваат поставената сигнализација и да бидат внимателни и трпеливи до завршувањето на работите.

Share on Facebook

Tweet

Follow us

Save