Арсовска: Стојам позади се’ што кажав за Мицкоски – Тој нема да излезе од тендер матрицата

Градоначалничката на Град Скопје, Данела Арсовска вечерва од дебатниот магазин „Click Plus“ на ТВ21 побара лица од опозициската ВМРО-ДПМНЕ да понесат одговорност.

Таа вели дека партијата не смее да биде нечиј заложник.

„Напротив, јас не сум со никого во војна и многу убаво и кажав дента дека сметам дека во таа политичка партија има многу чесни, храбри и добри луѓе и тоа што се случи во изминатиов период верувам дека ги деференцира кои се оние кои што таму треба да си ја понесат својата одговорност за постапките кои што ги преземаат, а тоа во ниту еден случај не е целата партија бидејќи таа не треба да биде нечиј заложник“, вели Арсовска.

Арсовска додаде дека стои позади сето она што го кажа за лидерот на ВМРО-ДПМНЕ, Христијан Мицкоски.

„Јас сметав дека дента се што имав да кажам, кажав, стојам позади тие зборови меѓутоа поважно од се е да се фокусираме на она да ги реализираме проектите кои што сме ги ветиле да ги реализираме за доброто на граѓаните. Тоа што го прават поедници, тоа на нив треба да им служи на чест и јас не сметам дека треба повеќе да размислувам на сите тие работи. Одговорноста ќе си дојде онаму каде што е, а она што ме прашавте дали  стои позади мене и дали сум сигурна, сигурна сум затоа што знам што правам, верувам во своите чесни намери и ги наѕрав нечесните намери на спротивната страна и верувам дека доколку сите оние луѓе кои што стоеле околу него биле чесни ќе се ограделе од таквиот тип на однесување. Наспроти видовме само голем број на останати директори кои што како на копче практично сервилно почнаа да даваат оставки со што покажаа и докажаа дека никогаш не им бил интересот на граѓаните на прво место“, рече Арсовска.

Share on Facebook

Tweet

Follow us

Save