Бугарските навивачи кои беа уапсени ќе платат само казни? Се очекува да бидат ослободени

Се очекува дел од Бугарите кои беа приведени во Скопје на фудбалскиот натпревар меѓу екипите „Левски-Софија“ и „Шкупи“ да бидат ослободени од притвор.

За БНР, еден од бугарските навивачи, близок до уапсените, објаснил:

„На момците ќе им се суди по брза постапка, по што се очекува да платат административни казни и се надеваме дека ќе бидат ослободени. Тие беа уапсени надвор од стадионот апсолутно самоволно без да преземат ништо и се надеваме дека наскоро ќе бидат ослободени. Бугарските власти се обидоа да помогнат“.

Претходно, МВР соопшти дека се приведени 19 навивачи на „Левски“ и двајца на „Шкупи“ поради нарушување на јавниот ред и мир.

На снимките кои беа објавени од стадионот можеше да се види дека навивачите ја напаѓаат македонската полиција, по што полицајците ги приведуваат лицата.

Share on Facebook

Tweet

Follow us

Save