Дојави за бомби во Подгорица, прекината е наставата во неколку училишта!

Неколку основни училишта во Подгорица ја откажаа наставата поради дојави за бомби кои беа испратени на електронските адреси на училиштата.
Наставата засега е откажана во училиштата „Максим Горки“, „Сутјеска“, „Радојица Перовиќ“, „Павле Ровински“ и „Марко Миљанов“, соопшти Министерството за образование, наука и иновации на Црна Гора. Од тој оддел им препорачуваат на училиштата наставата да се одржува онлајн.
Училишната управа веднаш ја известила полицијата, евакуирани се учениците, наставниците и воннаставниот персонал, а полициски екипи се веќе на терен, се проверуваат просториите“, се вели во соопштението на Министерството.

Како што наведоа, Министерството е во постојана комуникација со Полициската управа и ЦБ Подгороц и за се навремено ќе ја информира јавноста.
„Препорака на Министерството до образовните институции е што поскоро да се организира онлајн настава за сите ученици“, велат од одделението, пренесува РТЦГ.

Share on Facebook

Tweet

Follow us

Save