Запознајте го Зиги, новата маскота на ЈП Лајка

Зиги е најстариот резидент на ЈП Лајка, но и нова маскота на претпријатието, соопштија од ЈП Лајка.

– Запознајте го Зиги – нашата нова маскота, а воедно и најстариот резидент на ЈП Лајка. Зиги, кој е доказ дека најдобриот пријател и совршениот миленик не мора да е расен и купен, од денес го краси службеното возило на ЈП Лајка и ги едуцира жителите на градот Скопје.

Илустрациите на возилото се изработени од Марјан Димиќ – Мачка, во рамки на проектот “Improving Animal Welfare Through Volunteerism” под покровителство на Амбасадата на САД во Скопје.

Како дел од проектните активности, започнуваме и со едукативна кампања, преку која ќе се обидеме да ја покренеме свеста кај најмладите за одговорното сопствеништво, како и вдомувањето на бездомни кучиња, а со една цел – да го намалиме бројот на бездомни кучиња по улиците, велат од претпријатието.

Share on Facebook

Tweet

Follow us

Save