INFOMAX.MK

Главниот комесар на бугарското Министерство за внатрешни работи Станимир Станев вели дека Бугарија може да обезбеди помош во полицајци на чествувањето на Гоце Делчев на 4 февруари ако има такво барање од македонското МВР.

– Бугарија е подготвена да испрати полицајци во Северна Македонија на 4 февруари, ако добие таков предлог. Северна Македонија е одговорна за настанот, но ние можеме да обезбедиме помош, изјави Станев за БТВ.

Според него, со Македонија се разменуваат информации за движењето на луѓето, што им е потребно на двете земји со цел непречено одбележување на годишнината од раѓањето на Гоце Делчев на 4 февруари.

– Се надевам дека нема да има провокации, нема да има навреди. Вложуваме максимални напори од страна на бугарските гости да нема провокации, вели Станев и додава дека има драконски мерки, уверување што го добиле од македонската полиција.

Тој уште говореше за истрагата за нападот врз Христијан Пендиков и кажа дека се пренесени сите информации за заканите кон Пендиков додека бил во софиската ВМА.

– Сакаме истрагата да биде целосна и објективна, изјави Станев.