Ковачевски: Очекував Мицкоски да биде поостар но состанокот помина во добар дух

Премиерот Димитар Ковачевски на денешната прес-конференција по средбата со претседателот на ВМРО-ДПМНЕ, Христијан Мицкоски, изјави дека „не очекува првиот човек на ВМРО-ДПМНЕ да го фали“, но дека очекувал да биде поостар кон него.

-Од тоа што го видов во последниот период, очекував и да биде поостар во неговата изјава. Сметам дека состанокот помина во добар дух, се разговараше на експертско ниво за сите предизвици со кои се соочувавме. Дополнителни анализи ќе бидат направени во делот на снабдување со електрична енергија на јавните комунални претпријатија. Тоа е разбирливо бидејќи го имаат доминантниот број на градоначалници во државата. Јас го немам тој луксуз. Ние мораме поеднакво да се грижиме да сите претпријатија и сите граѓани без разлика каде живеат. Состанокот сепак беше во добар дух, рече Ковачевски во одговор на новинарско прашање.

Share on Facebook

Tweet

Follow us

Save