Мицкоски: Се разговара за изградба на когенеративни гасни централи – Инвестиција проценета на над милијарда евра

Се разговара за изградба на когенеративни гасни централи со капацитет од 500MW, кои ќе произведуваат 4,1 TWh електрична и 720 GWh топлинска енергија годишно, соопшти денеска премиерот Христијан Мицкоски.

– Денес остваривме значајнa средбa со раководството на „Казанчи Холдинг“, глобален енергетски гигант кој преку својот бренд „АКСА Енерџи“ е водечки инвеститор во одржлива енергија. Разговараме за изградба на когенеративни гасни централи со капацитет од 500MW, кои ќе произведуваат 4,1 TWh електрична и 720 GWh топлинска енергија годишно. Ова е единственото трајно решение за загадениот воздух, се друго е само ставање на проблемот под тепих.

Проектот вклучува и изградба на секундарна гасоводна и топловодна мрежа, со приклучоци за домаќинствата по цена од 0 денари, а природниот гас ќе биде значително поевтин од цените на берзите. Инвестицијата е проценета на над една милијарда евра и претставува клучен чекор кон зацврстување на нашата енергетска независност и сувереност.

Ова не е само проект за енергија, туку стратегија за иднината на Македонија, за поздрава животна средина, посилна економија и поголема стабилност. Разговорите продолжуваат и уверен сум дека наскоро ќе видиме конкретни чекори за реализација. Работиме за иднината на сите граѓани! – вели премиерот.

Share on Facebook

Tweet

Follow us

Save