Приведен ексдиректорот на Царина, Стефан Богоев

Поранешниот директор на Царина и ексградоначалник на општина Карпош, Стефан Богоев, е приведен од страна на надлежните органи, пренесуваат дел од медиумите.

Неофицијално, приведувањето на Богоев наводно е поврзано со тековна истрага. Засега, од надлежните институции нема официјална потврда за причините, ниту детали за евентуалните постапки.

Акцијата се спроведува во координација со Основното јавно обвинителство, а според првичните информации, се однесува на сомнежи за местење тендер и незаконитости во постапка за јавна набавка поврзана со Царинската управа.

Според информациите, осомничените се товарат за злоупотреби, финансиски малверзации и други незаконитости поврзани со тендерската постапка.

Надлежните институции засега не откриваат повеќе детали за предметот, а во текот на денот се очекуваат официјални информации од Финансиската полиција и Обвинителството за конкретните сомнежи и за опфатот на истрагата. Јавноста очекува дополнителни информации од МВР и обвинителството во текот на денот.

Share on Facebook

Tweet

Follow us

Save