Русија ѝ се закани и на Јапонија: „Ќе има последици!“

Руското Министерство за надворешни работи испрати силен протест до јапонската амбасада во Москва поради учеството на јапонски војници во големи американски воени вежби во близина на руските граници.

„На 16 јули, до јапонската амбасада во Москва беше испратен силен протест во врска со учеството на јапонските воздушни сили за самоодбрана во големите американски воени вежби наречени „Одлучни сили на Пацификот“, кои се одржуваат од 9 јули до 4 август, вклучително и во воени бази за обука лоцирани во непосредна близина на границите на Руската Федерација на Далечниот Исток на земјата“, се вели во соопштението на руското Министерство за надворешни работи.

Москва верува дека учеството на Јапонија во овие американски воени вежби ги има сите карактеристики на подготовка за вооружен конфликт. Ваквите дејствија, како што се вели, претставуваат потенцијална закана за безбедноста на Русија и неизбежно ќе предизвикаат соодветни контрамерки.

Share on Facebook

Tweet

Follow us

Save