Средба на Спасовски со бугарскиот министер за внатрешни во Скопје
По зголемените тензии на релација Скопје – Софија, денеска во Скопје доаѓа техничкиот министер за внатрешни на Бугарија, Иван Демерџиев, кој ќе се сретне со неговиот македонски колега Оливер Спасовски. Но, во делегацијата која ја предводи ќе биде и претседателот на државната агенција „Национална безбедност“ Пламен Тончев, кои ќе имаат работна средба со своите македонски колеги во Скопје на која ќе ги прецизираат заедничките активности за да се гарантира мирно и безбедно одбележување на 4 февруари, односно прославата на 151-годишнината од раѓањето на Гоце Делечев.
Техничкиот министер за надворешни работи на Бугарија, Николај Милков повторно ги нападна македонските институции, обвинувајќи ги за анти-бугарска кампања и одново побара Бугарите во Македонија да бидат заштитетни. Во интервју за БТВ, тој повтори дека услов за намалување на напнатоста во односите со Македонија е да се гарантира безбедност за Бугарите и тие да бидат впишани во македонскиот Устав.
Во однос на провокации од бугарска страна, Милков вели дека секогаш кога имало провокации од бугарска страна министерството реагирало на нивната официјална интернет страна, а за говорите на европратеникот Ангел Џамбаски и пратеникот во бугарското Собрание, Костадин Костадинов во Скопје, вели дека тоа не може да го коментира бидејќи немал информации што се случило бидејќи не бил таму. На прашањето како ќе реагира Бугарија ако се забрани влез на одредени бугарски политичари, Милков вели дека тоа би било преседан.
ПОВРЗАНИ ВЕСТИ
Хрватска има нафта само за 75 дена:…
Во јули, Хрватска беше меѓу 13-те членки…
Романија предупредува на влошување на безбедносната состојба…
Романија ќе побара од земјите-членки на Европската…
Мали бебиња, голем потенцијал: МЗ и Гинекологија…
На Светскиот ден на предвреме родените деца,…
„Никој не ме повика, самиот спречив конфликти…
Поранешниот претседател на Србија Александар Вучиќ, ги…
Жена тешко повредена, сопругот ја претепал во…
ОВР Кочани поднесе кривична пријава против Б.О.(43)…