Уапсени речиси 400 луѓе и запленети 1,4 тони дрога во полициска акција во Италија

Италијанската полиција денеска објави дека уапсила 384 и запленила 1,4 тони дрога во голема операција против трговци со дрога.

Покрај апсењата, полициските службеници отворија истраги против 655 лица, вклучувајќи 39 малолетници, и запленија 35 килограми кокаин и над 40 парчиња огнено оружје, се вели во соопштението на полицијата, пренесуваат медиумите.

Операцијата, која беше завршена вчера во неколку провинции, доведе до привремено затворање на пет продавници за канабис во три града по 312 инспекции.

За време на инспекциите, полицијата соопшти дека запленила 296 килограми производи од канабис, за кои тестовите покажале дека содржат нелегални дроги.

Во јуни, Италија усвои безбедносна регулатива со која се забранува таканаречениот „легален“ канабис и се забранува продажбата на таканаречениот „лесен канабис“, односно индустриски коноп, кој, за разлика од марихуаната, нема психоактивни ефекти.

Share on Facebook

Tweet

Follow us

Save