Јакимовски: Мицкоски е несреќа на македонската политичка сцена

Мицкоски е несреќа на макдонската политичка сцена, поготово на опозоцијата, истакна градоначалникот на Карпош и лидер на ГРОМ, Стевчо Јакимовски во денешното гостување во емисијата “Жешо политичко лето” на Канал 5 телевизија.

– “Не знае што да прави во наредниот период и главна тема ќе му биде референдумот за кој нема потреба. ГРОМ му дадовме квалитетен предлог, да излеземе сите опозициони партии и оние од власта, да потпишеме дека доколку народот ни даде доверба и мнозинство на првата констиутивна седница на Парламентот ќе го поништиме француско-бугарскиот предлог.

Сега се крие зад народот, ви гарантирам дека нема да има излезеност на референдумот и тоа Мицкоски го знае и тоа ќе му биде пас за уставни измени.

Јас немам проблеми со ВМРО-ДПМНЕ, ниту со членството туку со Мицкоски, сметам дека не е достоен за политика.

Тој ја држи опозицијата под кумплуг, најслаба власт во историјата, а тој 6 години не може да ја урне. Јас мислам дека има сериозни шанси некој од пратениците на ВМРО-ДПМНЕ да гласа за уставни измени и тоа да му биде изговор да си се повлече од политиката со завршена одиграна улога”, истакна Јакимовски.

Share on Facebook

Tweet

Follow us

Save