Хорор во Бугарија: Татко го полеал со бензин и го запалил 4-годишното дете, лекарите се борат за неговиот живот

Четиригодишно дете било примено во Ургентниот центар во Благоевград, откако претходно било полиено со бензин и запалено, објави БНТ.

Детето има 80% изгореници по телото и е во исклучително тешка состојба. Како што пишуваат бугарските медиуми детето било запалено со бензин од сопствениот татко. Ужасниот чин се случил нешто пред 17 часот.

Детето е донесено во болницата во 17 часот и 15 минути, изјави директорот на медицинската установа, д-р Валентин Димитров. Лекарите се борат за неговиот живот.

„Се работи за дете на возраст од 4 години и 8 месеци, донесено од Благоевград со многу тешки изгореници, кај нас дојде во 17 часот и 15 минути. Веднаш беше однесено во шок соба. Во моментов колегите работат и се под притисок. Детето е во критична состојба и животот му е во опаснот “, истакна Валентин Димитров.

Според него, детето е без придружба. Повеќе детали за неговата состојба би можеле да бидат соопштени утре.

Изгорениците се насекаде тешки“, рече Димитров.

Полицијата работи со двајцата родители на расветлување на сите факти и околности.

Share on Facebook

Tweet

Follow us

Save