Груевски со честитка за Новата година: Бог секогаш има план за вас!

Во Новата 2024 година ви посакувам да сте здрави и среќни, а не само силни во справување со несреќите. Со среќа во себе која ќе ја пренесувате, и секој кој ви се приближува да си оди од кај вас подобар и посреќен.

И како што велеше Мајка Тереза, а сега во контекст на новата година: “дочекајте се едни со други со насмевка, бидејќи насмевката е почетокот на љубовта”.

Ви посакувам година полна со мали чуда, голема среќа и малку магија.

За вас, и за Македонија!

Година со поголема храброст да ги следите вашите соништа без страв, независно каква ви е сегашната состојба, бидејќи таа не одредува каде во иднина можете да одите, туку од каде започнувате.

Дури и ако мислите дека вака ви е добро, пробајте да го постигнете одличното!

Генијалниот Алберт Ајнштај одамна има кажано: „Животот е како возење велосипед. За да ја задржите рамнотежата, мора да продолжите да се движите“.

И не заборавајте: Бог секогаш има план за Вас!

Среќна нова 2024 година!

*Фејсбук статус на поранешниот премиер Никола Груевски