Кинескиот производител на електрични возила BYD го престигна „Тесла“

Во 2024 година, кинескиот производител на електрични возила BYD ја надмина американската компанија „Тесла“ и стана најголемиот светски производител на електрични возила.

Новинската агенција Бломберг наведува дека обемот на продажба на електричните возила на BYD достигнал ниво од 4,25 милиони автомобили во 2024 година. На овој начин кинеската групација го премости јазот со американскиот производител „Тесла“.

BYD доживеа солидна експанзија во 2023 година, зголемувајќи го производствениот капацитет на компанијата, како и бројот на вработени, така што приходите во третиот квартал од 2024 година ја надминаа остварената реализација на лидерот во областа на електрични возила, компанијата Тесла. Во декември 2024 година, кинеската фирма со седиште во Шенжен испорача 509.440 автомобили од категориите на плуг-ин (plug-in) хибриди и возила со батерии. Годишните приходи лани се зголемени за 41 отсто.

Share on Facebook

Tweet

Follow us

Save