Трамп добил покана да ја посети Кина, можна е средба и со Путин

Можни се многу средби, се разгледува патување во Кина, изјави американскиот претседател Доналд Трамп кога беше прашан за можноста за лични контакти со рускиот претседател Владимир Путин во случај да го посети Пекинг во септември.

„Можни се многу средби. Претседателот Си Џинпинг ме покани во Кина. И веројатно ќе го направиме тоа наскоро. И не само во блиска иднина, туку и во далечна иднина. Многу луѓе ме поканија, наскоро ќе донесеме одлуки“, изјави Трамп пред новинарите во Белата куќа.

Во септември, Кина ја одбележува 80-годишнината од победата над Јапонија во Втората светска војна. Рускиот претседател е поканет и на прославата. Септември, исто така, го означува крајот на рокот од 50 дена што Трамп ѝ го даде на Русија за да постигне решение за украинската криза.

Share on Facebook

Tweet

Follow us

Save