Кина ги забрани чиповите на Intel и AMD во владините компјутери
Кина подготви нови упатства за постепено отстранување на американските микропроцесори направени од Интел и AMD од владини компјутери. Насоките за набавки предвидуваат и замена на оперативниот систем Windows со домашен софтвер.
На владините агенции над општинско ниво им е предложено да вклучат критериуми кои бараат „безбедни и доверливи“ процесори и оперативни системи при купувањето, пренесува Seebiz, цитирајќи го Financial Times.
Според Ројтерс, кинеското Министерство за индустрија во декември објави список на процесори, оперативни системи и централизирани бази на податоци кои се сметаат за „безбедни и сигурни“ и произведени од кинески компании.
САД имаат за цел да го зајакнат домашното производство на чипови и да ја намалат зависноста од Кина и Тајван според Законот за наука од 2022 година. Законот е дизајниран да ја зајакне американската индустрија за полупроводници и обезбедува финансиска помош за домашното производство со субвенции за производство на напредни чипови.
САД во моментов размислуваат да стават на црната листа на голем број кинески производители на чипови поврзани со Huawei. Компаниите кои би можеле да бидат на црната листа на САД ги вклучуваат Qingdao Si’En, SwaySure и Shenzhen Pensun Technology Co. и PST, како и водечкиот кинески производител на мемориски чипови ChangXin Memory Technologies Inc.
ПОВРЗАНИ ВЕСТИ
(Видео) Во Кина роботи ги пошумуваат пустините
Додека сончевите фарми во кинеските пустини веќе…
Си Џинпинг пристигнува во САД на 23…
Кинескиот претседател Си Џинпинг ќе отпатува во…
„Кинезите нè јадат за појадок“: Германската автомобилска…
Во разговор зад затворени врати со висок…
Над еден милион луѓе евакуирани во Кина…
Кинескиот источен брег во последните неколку дена…
(Видео) Кина успешно ја лансираше ракетата „паметен…
Кина во средата успешно лансираше носечка ракета…